Фергюсоны шилдэг 11!

Хаалгач- Петр Шмайхел
1991-1999 оны хооронд МанЮ-д хүчин зүтгэж байсан түүнийг ямар ч МанЮ-н фен бүх цаг үеийн хамгийн шилдэг хаалгач гэх бизээ.
1-н эсрэг 1 нөхцөлд гайхалтай сайн хаадаг нь түүнийг дэлхийн шилдэг болгоход нөлөөлсөн.
Талбай дээрх дасгалжуулагч гэгддэг тэрээр тоглолтын туршид багаа удирдан, зохион байгуулж байдаг.
Түүний МанЮ-н төлөө 1999 оны Аваргуудын Лигийн финалд Байерн Мюнхеныг 2:1-р хожсон гайхалтай тоглолтонд тоглосон нь МанЮ дахь хамгийн сүүлийн тоглолт нь болсон юм.








Баруун жигүүрийн хамгаалагч- Гари Невилл
1992 онд академийг төгсөн үндсэн багт орж байсан шижигнэсэн залуусын нэг бол Гари Невилл билээ. Чухам тэр жилээс хойш МанЮ-д бүхнээ зориулсан тэрээр 2011 онд зодог тайлан тайлтлаа үнэнчээр тоглосон билээ.
19 жил тоглохдоо МанЮ-н баруун жигүүрт хамгийн тогтвортойгоор тоглосон хүн бол маргаангүй Невилл.
Зөвхөн хамгаалаад ч зогсохгүй тэрээр баруун жигүүрийн довтлогоонд ч түлхүү оролцдог байсан нь сэлгээнд суух ямар ч шалтгаан үлдээгээгүй. Энэ байрлалд түүнээс өөр тохирхо тоглогч байхгүй шүү дээ.




Төвийн хамгаалагч- Стив Брюс
Магадгүй энэ байрлалд Рио Фердинанд байх боломжтой ч өдгөө Сандерланд клубыг дасгалжуулж буй Стив Брюс илүү тохиромжтой бөгөөд чухал үүрэг гүйцэтгэж байсан нэгэн.
1987-1996 оны хооронд тоглож байх үед МанЮ-н хамгаалалтын гол ноён нуруу нь Стив байсан ба тэрээр МанЮ-тай хамт 9 цом тэр дундуу 3 лигийн аврага болон 3 ФА Кап-н аврага болж байсан.










Төвийн хамгаалагч- Неманиа Видич
2006 онд ирж байсан тэрээр хамгийн хурдтайгаар МанЮ-д байр сууриа эзэлж чухал тоглоч нь болсон нэгэн.
Хамгаалалтын шугаманд Рио Фердинандтай цуг гарч түүнээс их юм суралцсан нь Видичийн ирээдүйд маш том өөрчлөлтийг бий болгосон.
Хэдхэн жилийн өмнө Видич-Фердинанд гэх энэхүү хослолыг дэлхийн хамгийн шилдэг хамгаалалтын хослол хэмээж байсан билээ.
Хурц ширүүн, дайчин тоглолтоороо МанЮ-н хамгаалалтын гол зэвсэг нь болж чадсан тэрээр энэхүү багт багтах эрхтэй.





Зүүн жигүүрийн хамгаалагч- Денис Ирвин
1990 оноос 2002 оны хооронд тоглож байсан түүнийг тухайн цаг үед нь тийм ч өндрөөр үнэлдэггүй байсан.
Гэвч түүний гайхалтай чөлөөт цохилтууд болон 11м-н торгуулийн цохилт зэрэг нь ПЛ-д хэнийг ч дагуулахааргүй байсан юм.
Тогтвортой сайн хамгаалалт, бүтээлч, шургуу байдал нь зүүн жигүүрт Райн Гиггзтэй гайхалтай хослолыг үүсгэж байсан билээ.
1999 оны "Трибл" хийсэн улиралд тэрээр хамгийн гайхалтай тоглолтуудаа гаргаж байсан.





Баруун жигүүрийн хагас хамгаалалт- Дэвид Бекхам
Баруун жигүүр бол түүнийх! Түүний гайхалтай алсын пасс, чөлөөт цохилтууд нь түүний нэрийн хуудас болсон зүйлс билээ.
10 жилийн турш баруун жигүүрийг эзэгнэсэн тэрээр дасгалжуулагч Фергусонтой харилцааны тал дээр бага зэрэг асуудалтай байсан ба Фергусон ч үүнийг илтгэсэн үйлдэл хийж байсан нь 2003 онд эзэн хааны Реал Мадрид клуб руу явахад хүргэсэн.
Ийм явдал тохиолдоогүй бол тэрээр одоо ч Манчестерийн баруун жигүүрт тоглоод явж байх байсан бизээ.





Төвийн хагас хамгаалалт- Пол Скоулз
Түүний эсрэг тоглож байсан дэлхийн шилдэг тоглогчид бүгд л түүнийг магтсан байдаг.
Яалт ч үгүй магтах хэрэгтэй тоглогчдын нэг бол Скоулз! Даруу төлөв зантай, шагналын төлөө гэх шунал үгүй тэрээр үлгэр дууриал болохуйц гайхалтай тоглогч билээ.
17 жилийг МанЮ-д өнгөрөөсөн тэрээр талбайн төвөөс гайхалтай дамжуулалтыг өгч, бөмбөгний төлөөх өрсөлдөөнд үргэлж ялдаг нэгэн байсан.
МанЮ-д тоглосон эхний хэдэн жил тэрээр довтлогоонд түлхүү оролцдог байсан. Тэр чинээгээрээ ч гайхалтай гоолудыг хийдэг байсан.
Энэ байрлалд Скоулз л байх ёстой. Тэр бол Английн бүх цаг үеийн шилдэг хагас хамгаалагчдын нэг.



Төвийн хагас хамгаалалт- Рой Кийн
Мөн л бүх цаг үеийн шилдэг хэмээгддэг. Олон ч шилдэг тоглогчдийн мөрөөдлийн шигшээд энэ эрхэм багтдаг.
Ахлагч шиг ахлагч гэж түүнийг л хэлнэ.
Түүний гайхалтай дамжуулалт, тоглолтыг удирдаж байгаа арга техник гээд бүх юм нь зүгээр л гайхалтай! 1993 оноос 2005 оныг хүртэл "Улаан чөтгөрүүд"-н төлөө хүчин зүтгэсэн түүнийг Скоулзтай цуг талбайн төвд тавихгүй бол өөр хэн гэж?!





Зүүн жигүүрийн хагас хамгаалалт- Райн Гиггз
Таг солгой Гиггз! Алдарт зүүн жигүүрийн хагас хамгаалалтдаа бүхэл бүтэн 21 жил тоглож буй түүн шиг хагас хамгаалагчыг одоо ямар ч багаас хайгаад олохгүй.
Хэдий 37 настай ч тэрээр өөрийн гайхамшигтай тоглолтоо алдаагүй л байгаа. Хурд хүч, дамжуулалт, ухаан гээд бүх л юм нь тэртээ 90 оны Гиггз хэвээрээ л...
Манчестерийн төлөө тоглосон тоогоороо хамгийн дээр бичигддэг тэрээр энэхүү тоог хэд хүртэл явуулахыг хэн ч таашгүй.







Довтолгооны хагас хамгаалагч- Криштиану Роналду
2003 онд хэний ч мэдэхгүй залууг Спортингоос их мөнгө зарч авчирсан нь буруу шийдвэр байгаагүй.
6 жилийн энэ клубд өнгөрөөхдөө орчин цагийн хамгийн шилдэг тоглоч болсон юм. Хурд хүч, мөргөлт, цохилт, дамжуулалт, довтолгоо гээд бүх л зүйлийг бүрэн төгс өөртөө шингээсэн тэрээр 2009 онд солилцоо наймааны хамгийн дээд үнийг тогтоосон наймааг хийж Реал Мадрид клубт ирсэн.
Мадридад ирээд урьдны адил гайхалтай тоглолтыг өнгөрүүлж байгаа тэрээр хэдхэн хоногийн өмнө Мадридын төлөө 100 дахь гоолоо оруулаад байгаа.
2007-08 оны улиралд тэрээр 42 гоолыг нэг улиралд оруулж, аваргуудын лигт түрүүлэн, Баллон'Д'Ор-г авч байсан нь хамгийн оргил жил нь болсон юм.





Довтлогч-Эрик Кантона
Хэдий 5 жилийг л өнгөрөөсөн ч Фергусоны хамгийн шилдэг довтлогч нарын нэг байсан.
МанЮ-д байх хугацаандаа 4 цом хүртсэн ба энэ бүх шагналдаа өөрийн биеэр оролцож байсан нэгэн бол Кантона юм.
Өөрийн кареерын хамгийн оргил үеэ энэхүү клубт өнгөрүүлсэн тэрээр 144 тоглолтонд 64 гоолыг ПЛ-д оруулж байсан билээ.
1997 оны 5 сарын 16-д Ковентри Ситигийн эсрэг хийсэн тоглолтын дараа тэрээр 30 насандаа хөлбөмбөгөөс зодог тайлах болсноо олон нийтэд зарлаж хөлбөмбөгчний замналаа энэхүү клубт өндөрлүүлж байсан билээ.