ДАШТ-ий түүх #3 “Төмөр легион”-ы ээлжит түрүү

түр хүлээнэ үү...

Rating: 10.0/10 (3 votes cast)

“France-38” тооны хэлээр
Үргэлжилсэн хугацаа: 1938 оны зургадугаар сарын 4-19
Оролцсон баг: 15 (Европоос 12, Хойд Америкаас хоёр, Өмнөд Америкаас нэг)
Тоглолт: 18
Гоол: 84 (дунджаар 4.67)
Автогоол: 1
11 метрийн цохилт: 4 (үүнээс гурвыг нь амжилттай гүйцэтгэсэн)
Хот: 9 (Парис, Тулуза, Гавр, Реймс, Марсель, Страсбур, Лилль, Антиб, Бордо)
Цэнгэлдэх хүрээлэн: 10 (“Велодром”, “Велодром Мюнисипаль”, “Виктор Буке”, “Каве Верт”, “Мено”, “Олимпик”, “Парк Лескюр”, “Парк де Пренс”, “Стад де Фор Карре”, “Шапу”)
Үзэгч: 483 000
Хамгийн олон гоол орсон тоглолт: 6:5
Хамгийн олон бөмбөгний зөрүүгээр хожсон тоглолт: 8:0
Мэргэн бууч: Леонидас(Бразил) – 8 бөмбөг

Сонирхолтой баримтууд:
-Дэлхийн аварга баг цолоо хамгаалсан анхны тохиолдол болжээ. Хожим бразилчууд 1958, 1962 онд “Скуадра Аззура”-гийн амжилтыг давтсан юм.
-Анх удаа талбайн эзэн баг түрүүлж чадсангүй.
-“World Cup-30”-д Уругвай 15 тоглогчтойгоор аваргалж байсан бол Виторио Поццо бүхэл тэмцээний турш 14-хэн тоглогчоо үр дүнтэйгээр ашиглан түрүүлж, өвөрмөц дээд амжилтыг тогтоожээ. Тэдгээрийн 60 хувь нь буюу найман тоглогч нь дөрвөн жилийн өмнө дэлхийн аварга болж байв.
-Өнөө хэр Поццо шиг ДАШТ-д хоёр удаа түрүүлсэн дасгалжуулагч алга.
-Бразилийн Леонидас, Польшийн Вилимовски нар ДАШТ-ий түүхэнд анх удаа нэг тоглолтод дөрвөн бөмбөг буюу покер хийсэн юм.
-Сорилгыг амжилттай туулан шигшээ тэмцээнд оролцох эрхээ аваад байсан Австрийн шигшээ баг аргагүйн эрхэнд фашист Германтай нэгдэн, тэдний нэрийн өмнөөс “Франц-38”-д оролцжээ.
-Тэмцээнд оролцсон хөлбөмбөгчдөөс хамгийн залуу нь 18 нас, 42 хоногтой Голландын Йон де Хардер, ахмад нь түүний нутаг нэгт 34 нас, 190 хоногтой Петер Андерссон байв.
-15 оролцогчоос Голландын Энэтхэг (одоогийн Индонези), Голландын шигшээ багууд гоол оруулж чадсангүй нутаг буцжээ.
-Италийн “Интер” багаас хамгийн олон буюу дөрвөн хөлбөмбөгч ДАШТ-д оролцжээ. Өмнөх ДАШТ-д Миланы клуб зургаан тоглогчоо илгээж байв.
-Зохион байгуулагчид тасалбарын худалдаанаас нийт зургаан сая франкийн орлого олжээ.
Шилдэг довтлогч Леонидас (Бразил)
Бразилийн “Хар алмаз” хэмээх суут довтлогч Леонидас да  Силва 1913 оны есдүгээр сарын 6-нд Рио мужийн Сан-Криставао хотод төржээ. Тэрбээр хөл­бөм­бөгт олон шинэ тех­никийг нэвтрүүлсний дотор хам­гийн алдартай нь унаж татах цохилт нь байв. Леонидас 1932 онд Өмнөд Америкийн АШТ-ий Бразил-Уруг­вайн тоглолтын үеэр энэхүү үзүүлбэрээ анх хий­сэн бөгөөд нэрийн хуу­дас болсон цохилтыг нь үзэхийн тулд алс хол нут­гаас торсида нар Рио-Де-Жанейрог зорьж байсан баримт бий.
Леонидас 1938 онд Фран­цад болсон мундиа¬лиар авьяас чадвараа дэл­хий дахинд таниулсан юм. Шөвгийн дөрөвт  үлдэх эр­хийн төлөө тоглолтод бра­зилчууд Польшийн багийг 6:5-аар хожиход мань эр дөр­вөн бөмбөг оруулсан нь “World Cup”-ын анхны покер болжээ. Харамсал­тай нь хагас шигшээд аварга болох ерөөлтэй Италитай учраа таарахад дас­гал­жуу­лагч Адемир Пи­мен­та түүнийг талбайд гар­гаагүй гэдэг. Энэ та¬лаар цөөнгүй таамаглал бай­даг ч Леонидас өм­нөх тоглолтод гэмтсэн, эс­вэл дасгалжуулагч нь финалд тоглуулахаар гам­наад амраасан гэсэн хоёр хувилбар л арай үнэм­шилтэй нь.
Хүрэл медалийн төлөөх өрсөлдөөн “Хар алмаз”-д үнэндээ багадаж бай­сан юм. Шведтэй хий­сэн тэрхүү тоглолтод тэр­бээр хоёр бөмбөг хийн тэм­цээний мэргэн бууч бол­сон юм. Леонидас 1932-46 оны хооронд Бразилийн шигшээд 24 удаа тоглохдоо 25 гоол оруул­жээ. Нэрт довтлогч маань зодог тайлсныхаа дараа телеви¬зийн тайлбарлагч болж, чамгүй амжилтад хүр­сэн билээ. “Хар алмаз” Леонидас да Силва 2004 онд 91 насандаа саа өвчнөөр хорвоог орхижээ.
***
1930-аад оны төгсгөл бол Дэл­хийн II дайны харанга дэлдэж бай­сан үе. Мөн Испани зэрэг улсууд дотроо иргэний дайнтай байв. Гэхдээ FIFA-гийн гишүүн 57 орноос Дэлхийн цомыг хүлээж ава­хыг хүсэгчид цөөнгүй байлаа. 1934 оны ДАШТ, 1936 оны олимпийн наадмыг хүчээр авсан Итали, Герман энэ удаа нэг их шамд¬сан­гүй. Ингээд 1936 оны наймдугаар сарын 15-нд Берлинд болсон конгрессоор Франц ялалт байгуулжээ. Олон улсын хөл­бөм­бөгийн холбооны үе үеийн удирдагчид нь франц хүмүүс байсан нь ч үүнд нөлөөлсөн.
Тэдэнтэй хамгийн ширүүн өр­сөлдсөн нь Аргентин. Өмнөд Америкчууд ДАШТ хуучин, шинэ тивд ээлжлэн зохиогдох ёстой гэж үзэж байсан учраас “World Cup-38”-ыг нутагтаа зална гэдэгтээ итгэл­тэй байлаа. Гэвч төлөвлөгөө нь хэрэгжээгүй учир Уругвайн ади­лаар ДАШТ-ийг хясан боожээ. Ар­гентинчуудын эл бойкот 20 жил үргэлжилсэн юм.
Тэмцээний сонгон шалгаруулалт 1937 оны зургадугаар сараас 1938 оны дөрөвдүгээр сар хүртэл үргэлжилсэн бөгөөд тэн­дээс шалгарсан 14 улс дээр зохион байгуулагч Франц, өмнөх дэл­хийн аварга Италийн шигшээ нэ¬мэгдэн, нийт 16 баг шигшээ тэм­цээнд олимпийн системээр өр­сөлдөхөөр болов. Гэвч Европын хэд хэдэн орныг эзлээд байсан фашист Герман Австрийн шилдэг тог­логчдыг өөрийн багтаа нэгтгэн, “Вундертим”-ийг тараасан учраас тэдэнтэй оноолт таарсан шве­дүүдийн аз болж, тоглолгүйгээр дараагийн шатанд шалгарчээ. Маттиас Шинделарж нарын зарим хөлбөмбөгчид Германы багт тоглохоос татгалзсаныхаа дараа учир битүүлгээр нас барсан билээ.
Гэвч агуу хэмээх тодотголтой Германы баг эхний учраагаа ч давж чадсангүй. Тэс ондоо тоглолтын аpга барилтай хөлбөмбөгчид ийм богинохон хугацаанд хоорондоо яаж ч ойлголцох вэ дээ. Тэд “амны хүүхэд” Швейцарьтай эхлээд 1:1-ээр тэнцээд, нэмэлт тоглолтод 2:4-өөр дийлдсэн юм.
Удаах сенсаацыг далайн чанадаас ирсэн кубачууд тарив. Тэд харьцангуй туршлагатай Румыний багтай 3:3-аар тэнцэн, хоёр дахь тог­лолтод 2:1-ээр хожжээ. Зохион байгуулагч Франц Бельгийг 3:1-ээр, “Итали-34”-ийн мөнгөн медальт Чехословак анх удаагаа оролцож буй Голландыг 3:0-ээр, Унгар Голландын Энэтхэгийг 6:0-ээр тус тус хожиж, шөвгийн наймд төвөггүйхэн шалгарсан аж.
Тэгвэл дэлхийн аварга Итали Норвегийг зовж байж, нэмэлт цагт Пиолагийн оруулсан гоолын ачаар буулгаж авсан юм. Уг тоглолтыг нүдээр үзсэн хүмүүс үндсэн цаг дуусах мөчид Норвегийн довтлогч Брустад гоол оруулсан ч шүүгч түүнийг нь тооцоогүй гэж дурсан ярьсан байдаг.
Харин Бразил-Польшийн тулаан эсрэгээр маш үзүүштэй болж, 6:5-аар бразилчууд хожсон юм. Тэд тоглолтын турш 1:0, 3:1, 4:3 мэтчилэн тэргүүлж байсан ч ДАШТ-д анх удаагаа оролцож буй польшууд 90 дэх минутад тоог тэнцүүлжээ. Нэмэлт цагт Бразилийн довтлогч, “Хар алмаз” хочит Леонидас хоёр бөмбөг хийснээр латин америкчууд дараагийн шатанд шалгарсан. “Мено” цэнгэл­дэхэд болсон эл тоглолтод Леонидас, Эрнест Вилимовски нар тус бүр дөрвөн гоол оруулсан нь ДАШТ-ий түүхэн дэх анхны покер ажээ. Гэхдээ зарим сурвал­жид Леонидасыг дөрөв бус гур­ван бөмбөг оруулсан хэмээн тэмдэглэсэн байдаг.
Дээрх хүнд хэцүү тоглолтын дараа 1/4 шигшээд өмнөд америкчууд Чехословактай тулав. Шавь нар нь өмнөх тоглолтод хамаг хүч чадлаа шавхчихсан учраас Бразилийн дас­гал­жуулагч Адемир Пимента зоримог шийдвэр гаргаж, хаалгач Валтер, довтлогч Леонидас нараас бусад үндсэн бүрэлдэхүүний тог­логчдоо амраажээ. Энэ сайхан бо¬ломжийг Планичка, Неедлы, Пуч нарын ододтой чехүүд  ашиг¬лаж чадсангүй, 1:1-ээр тэнцжээ. Хоёр хоногийн дараах нэмэлт тог­лолтод чехүүд эхний бөмбөгийг оруулсан ч 57 дахь минутад өнөөх Леонидас тоог тэнцүүлж, улмаар таван минутын дараа Роберто хож­лын бөмбөгийг оруулжээ. Чехословакийн шигшээ тэр оройдоо нутаг буцсан гэдэг.
Шөвгийн 16-д Германы хүчтэй багийг сөхрүүлсэн швейцарьчууд Унгарын эсрэг олигтой эсэргүүцэл үзүүлж чадахгүй байсаар 0:2-оор хожигдон, мөн тэмцээнээс хасагдлаа. Дунд шөвгийн бас нэ¬гэн тоглолт Швед-Кубын хоо­ронд өрнөж, скандинавчууд өр­сөл­дөгчөө 8:0-ээр бутниргэв. Хэрэв Кубын хаалгыг Бенито Карвахалес манаагүйсэн бол ахиад 6-7 бөмбөг ч орж мэдэхээр бай­лаа. 14 жилийн өмнө Парисын олипоос хүрэл медаль хүртэж байсан Шведийн довтлогч Келлер харих болоогүйгээ харуулан хет-трик хийсэн аж.
Дунд шөвгийн хамгийн сонир­хол татаж байсан тоглолт нь мэдээж Итали-Францын тулаан.
Ши­рүүн салхитай өдөр болсон энэхүү тоглолтыг 60 мянган хүн үз­сэн бөгөөд тасалбараас 888 171 франкийн орлого олсон нь тухайн үедээ дээд амжилтад тооцогдож байв. Дөнгөж ес дэх минутад италичууд салхийг хагалсан бол ердөө 30-хан секундын дараа “Гурван өн­гөт­нүүд” 1:1 болгожээ. Гэвч хоёр­дугаар үед Италийн довтлогч Силь­вио Пиола хоёр гоёмсог гоол хийснээр талбайн эзэн баг дэлхийн аварга болдог уламжлал тасарсан юм.
Ийнхүү италичууд хагас шиг­шээд Бразилийн гайхамшигт баг­тай учраа таарав. Зоримог шийдвэр гаргадгаараа зартай Бразилийн дасгалжуулагч Пимента өр­сөлдөгчөө дутуу үнэлсэн үү яасан, гол довтлогч Леонидасаа талбайд гаргаагүйн улмаас Италид 1:2-оор дийлджээ. Пиментагийн өндөр ур чадвартай тоглогчдыг Поццогийн хамгаалалт сайтай баг ялсан юм. Нөгөө талд Унгар Шведийг 5:1-ээр бутниргэсэн байна. Шведүүд эзэн хаан V Густавынхаа 80 насны ойд ялалтаар бэлэг барих зорилготой талбайд гарсан ч…
Ийнхүү 1938 оны зургадугаар сарын 19-нд Парисын “Стад де Фор Карре” цэнгэлдэхэд Итали, Ун­гарын багууд аваргын төлөө өр­сөлдлөө. Францчууд тэмцээнээс ха¬сагдсан болохоор финалын тог­лол­тыг санаснаас цөөхөн хүн буюу 45 мянган үзэгч л сонирхжээ. Шиг¬шээ тоглолтын өмнө дарангуйлагч Муссолинигоосоо “Ялалт, эсвэл үхэл” гэсэн тушаал авсан итали­чууд өрсөлдөгчөө 4:2-оор илүүр­хэн хожиж, “Ариун Нике” цомыг хоёр дахиа хүртжээ.
Агуу тактикч Витторио Поццо¬гийн “Төмөр легион” чингэж 1934, 1938 оны ДАШТ, 1936 оны олимпийн наадамд нэг амьсгаа­гаар түрүүлэн, дахин давтагдашгүй хосгүй амжилтыг үзүүлсэн юм. “Скуадра Аззура”-гийн энэхүү ялал­таас жилийн дараа Дэлхийн II дайн эхэлсэн тул италичууд алтан цомоо 12 жил гэртээ хадгалсан юм.
1/8 ШИГШЭЭ ТОГЛОЛТ
Швейцарь-Герман 1:1
Гоол: Абегглен 43-Гаухель 23
Швейцарь: Юбер, Минелли, Леманн, Шпрингер, Вернати, Лертшер, Амадо, Валашек, Бикель, Абегглен, Эби
Герман: Рафтль, Янес, Шмаус, Купфер, Мок, Китцингер, Ленер, Геллеш, Гаухель, Ханеманн, Пессер
Шүүгч: Лангенус (Бельги)
VI.4. Парис, “Парк де Принс”, 27000 үзэгч
Швейцарь-Герман 4:2 (нэмэлт тоглолт)
Гоол: Валашек 42, Биккель 65, Абегглен 76, 79-Ханеманн 9, Лертшер 22 автогоол
Швейцарь: Юбер, Минелли, Леманн, Шпрингер, Вернати, Лертшер, Амадо, Валашек, Биккель, Абегглен, Эби
Герман: Рафтль, Янес, Штрайтле, Купфер, Гольдбрюннер, Скоумал, Ленер, Штрох, Сепан, Ханеманн, Ноймер
Шүүгч: Эклинн (Швед)
VI.9. Парис, “Парк де Принс”, 20000 үзэгч
Куба-Румын 3:3
Гоол: Сокорро 40, Фернандес 87, Туньяс 111-Биндя 30, 100, Баратки 88
Куба: Карвахелес, Баркин, Чоренс, Ариас, Родригес, Бергес, Оливейра, Фернандес, Сокорро, Туньяс, Соса
Румын: Павлович, Бюргер, Кирою, Винтила, Рэшинару, Рафинши, Биндя, Ковач, Баратки, Бодола, Добаи
Шүүгч: Скарпи (Итали)
VI.5. Тулуз, “Шапу”, 7000 үзэгч
Куба-Румын 2:1            (нэмэлт тоглолт)
Гоол: Сокорро 50, Оливейра 55-Добаи 35
Куба: Айра, Баркин, Чоренс, Ариас, Родригес, Бергес, Оливейра, Фернандес, Сокорро, Туньяс, Соса
Румын: Садовши, Бюргер, Фелекан, Бэрбулеску, Рэшинару, Рафинши, Богдан, Молдовяну, Баратки, Прасслер, Добаи
Шүүгч: Бирлем (Герман)
VI.5. Тулуз, “Шапу”, 8000 үзэгч

Чехословак-Голланд 3:0
Гоол: Кошталек 92, Неедлы 110, Земан 115
Чехословак: Планичка, Бургр, Даучик, Кошталек, Боучек, Копецки, Ржига, Шимунек, Земан, Неедлы, Пуч
Голланд: ван Мале, Вебер, Калденхове, Пауве, Андерисен, ван Хел, Велс, ван дер Вен, Смит, Венте, де Хардер
Шүүгч: Леклерк (Франц)
VI.5. Гавр, “Каве Верт”. 11000 үзэгч
Швед-Австри +/-
Франц-Бельги 3:1
Гоол: Вейнант 1, Никола 12, 69-Исемборгс 20
Франц: ди Лорто, Казанаве, Маттлер, Бастьен, Жордан, Дианье, Астон, Эйссерер, Никола, Дельфур, Вейнант
Бельги: Бажу, Паверик, Сейс, ван Алфен, Стейнен, де Винтер, ван де Ваувер, Ворхофф, Исемборгс, Брэн, Бейле
Шүүгч: Вютрих (Швейцар)
VI.5. Парис, “Олимпик”, 30000 үзэгч
Унгар-Голландын Энэтхэг 6:0
Гоол: Кохут 12, Толди 14, Шароши 20, 79, Женгеллер 35, 63
Унгар: Гада, Керань, Биро, Лазар, Турай, Балог, Шаш, Женгеллер, Шароши, Толди, Кохут
Голландын Энэтхэг: Тан Мо Хенг Хуком, Самуэлс, Навир, Менг, Анвар, Тан Хон Диен, Судармадий, Зомерс, Паттивал, Таихутту
Шүүгч: Конрие (Франц)
VI.5. Реймс, “Велодром Мюнисипаль”, 9000 үзэгч
Итали-Норвег 2:1
Гоол: Феррарис 2, Пиола 94-Брустад 83
Итали: Оливьери, Мондзельо, Рава, Серантони, Андреоло, Локателли, Пазинати, Меацца, Пиола, Феррари, Феррарис
Норвег: Юхансен, Юханнесен, Хольмсен, Хенриксен, Эриксен, Хольмберг, Францен, Кваммен, Брюнильсен, Исаксен, Брустад
Шүүгч: Беранек (Герман)
VI.5. Марсель, “Велодром”, 19000 үзэгч
Бразил-Польш 6:5
Гоол: Леонидас 18, 72, 104, Ромеу 25, Перасио 44, 71-Шерфке 23 пен, Вилимовски 53, 59, 89, 118
Бразил: Бататаис, Домингос, Машадо, Зезе Прокопио, Мартим Силвейра, Алфонсиньо, Лопес, Ромеу, Леонидас, Перасио, Эркулес
Польш: Мадейски, Щепаняк, Галески, Гора, Ныч, Дытко, Пец, Пьянтек, Шерфке, Вилимовски, Водарц
Шүүгч: Эклинн (Швед)
VI.5. Страсбур, “Мейно”, 13000 үзэгч
1/4 ШИГШЭЭ ТОГЛОЛТ
Итали-Франц 3:1
Гоол: Колаусси 9, Пиола 51, 72-Эйссерер 10
Итали: Оливьери, Фони, Рава, Серантони, Андреоло, Локателли, Бьявати, Меацца, Пиола, Феррари, Колаусси
Франц: ди Лорто, Казенаве, Маттлер, Бастьен, Жордан, Дианье, Астон, Эйссерер, Никола, Дельфур, Вейнант
Шүүгч: Барт (Бельги)
VI.12. Парис, “Олимпик”, 59000 үзэгч
Швед-Куба 8:0
Гоол: Келлер 13, 48, 49, Веттерстрём 27, 30, 43, Келлер 60, Нюберг 86, Х.Андерссон 88
Швед: Абрахамссон, Эрикссон, Келльгрен, Альмгрен, Якобссон, Сванстрём, Веттерстрём, Келлер, Х.Андерссон, Юханссон, Нюберг
Куба: Карвахелес, Баркин, Чоренс, Арьяс, Родригес, Бергес, Феррер, Фернандес, Сокорро, Туньяс, Алонсо
Шүүгч: Крист (Чехословак)
VI.12. Антиб, “Фор Карре”, 7000 үзэгч
Унгар-Швейцарь 2:0
Гоол: Шароши 43, Женгеллер 90
Унгар: Сабо, Корань, Бире, Лазар, Тураи, Салаи, Шаш, Женгеллер, Шароши, Винче, Кохут
Швейцарь: Юбер, Штельцер, Леманн, Шпрингер, Вернати, Лертшер, Амадо, Валашек, Бикель, Абегглен, Грасси
Шүүгч: Барлассина (Итали)
VI.12. Лилль, “Виктор Букей”, 15000 үзэгч
Бразил-Чехословак 1:1
Гоол: Леонидас 14-Неедлы 41 пен
Бразил: Валтер, Домингоc, Машадо, Зезе Прокопио, Мартим Силвейра, Алфонсиньо, Лопес, Ромеу, Леонидас, Перасио, Эркулес
Чехословак: Планичка, Бургр, Даучик, Кошталек, Боучек, Копецки, Ржига, Шимунек, Лудл, Неедлы, Пуч
Улаан хуудас: Зезе Прокопио 14, Машадо 89-Ржига 89
Шүүгч: фон Гертцка (Унгар)
VI.12. Тулуз, “Шапу”, 19000 үзэгч
Бразил-Чехословак 2:1        (нэмэлт тоглолт)
Гоол: Леонидас 56, 60-Копецки 23
Бразил: Валтер, Жау, Нарис, Бритто, Брандан, Аржемиро, Роберто, Луизиньо, Леонидас, Тим, Патеско
Чехословак: Буркет, Бургр, Даучик, Кошталек, Боучек, Копецки, Кройц, Горак, Лудл, Сенецки, Рулц
Шүүгч: Капдевилль (Франц)
VI.14. Тулуз, “Шапу”, 22000 үзэгч
ХАГАС ШИГШЭЭ ТОГЛОЛТ
Унгар-Швед 5:1
Гоол: Женгеллер 20, 39, 86, Шаш 37, Шароши 66-Нюберг 1
Унгар: Сабо, Корань, Бире, Салаи, Тураи, Лазар, Шаш, Женгеллер, Шароши, Толди, Титкош
Швед: Абрахамссон, Эрикссон, Келльгрен, Альмгрен, Якобссон, Сванстрём, Веттерстрём, Келлер, Х.Андерссон, Юханссон, Нюберг
Шүүгч: Леклерк (Франц)
VI.16. Парис, “Парк де Принс”, 20000 үзэгч
Итали-Бразил 2:1
Гоол: Колаусси 56, Меацца 60 пен-Ромеу 87
Итали: Оливьери, Фони, Рава, Серантони, Андреоло, Локателли, Бьявати, Меацца, Пиола, Феррари, Колаусси
Бразил: Валтер, Домингос, Машадо, Зезе Прокопио, Мартим Силвейра, Алфонсиньо, Лопес, Ромеу, Луизиньо, Перасио, Патеско
Шүүгч: Вютрих (Швейцар)
VI.16. Марсель, “Велодром”, 33000 үзэгч
III БАЙРЫН ТӨЛӨӨ ТОГЛОЛТ
Бразил-Швед 4:2
Гоол: Ромеу 42, Леонидас 52, 70, Перасио 80-Юханссон 13, Нюберг 23
Бразил: Бататаис, Домингос, Машадо, Зезе Прокопио, Брандан, Алфонсиньо, Роберто, Леонидас, Ромеу, Перасио, Патеско
Швед: Абрахамссон, Эрикссон, Нильссон, Альмгрен, Линдерхольм, Сванстрём, Перссон, А.Андерссон, Х.Андерссон, Юханссон, Нюберг
Шүүгч: Лангенус (Бельги)
VI.19. Бордо, “Парк Лескюр”, 12000 үзэгч
ШИГШЭЭ ТОГЛОЛТ
Итали-Унгар 4:2
Гоол: Колаусси 6, 35, Пиола 19, 82-Титкош 8, Шароши 70
Итали: Оливьери, Фони, Рава, Серантони, Андреоло, Локателли, Бьявати, Меацца, Пиола, Феррари, Колаусси
Унгар: Сабо, Полгар, Биро, Салаи, Сюч, Лазар, Шаш, Винче, Шароши, Женгеллер, Титкош
Шүүгч: Капдевилль (Франц)
VI.19. Парис, “Олимпик”, 45000 үзэгч